期權是什麼

期權是一個有期限的合約， 參與者可以做買方，亦可以做賣方，是比較公平的交易工具。 （牛熊證同埋ELN就係期權衍生嘅產品，只不過係莊家收番你一個好高嘅手續費！）

用2019年1月的匯豐期權作為例子：

現在係2018年11月15日，匯豐現價66蚊。

2019年1月匯豐70元認購證，價錢大概 $0.84。 買賣以每手為單位，匯豐一手400股，400*$0.84=$336。期權的到期日係每個月的尾二交易日，即係1月30日。

你可以做買家，亦可以做賣家。 買家係刀仔鋸大樹，投機成分比較大。賣家係類似保險公司咁收保險金，投資成分比較大（賣認購通常有貨，咁就可以做到一係高價出貨，一係收番啲利息）。

好似做買家著數啲？！睇番幅圖， 大幅升穿70蚊嘅機會又有幾多！

 

認沽證係認購證嘅反面，揸住認沽證有權質貨畀人，揸住認購證有權問人攞貨，當然用嘅係合約嘅行使價。

講到呢度應該講番啲期權唔該知道嘅名詞：

行使價

        行使價係合約指定嘅交收價格

到期日

        到期日有長有短，超過一年先到期的期權都有，到咗到期日合約如果仲有內在價值，就會自動行使。另外合約期內買家有權行使合約買貨或沽貨，叫做美式期權。另有歐式期權，只能在到期日行使期權。 股票期權行使嘅時候係實貨交收，指數期權行駛嘅時候係折現(Cash Settled)。

價外(OTM) / 等價(ATM) / 價內(ITM)

        期權的價格由內在值及時間值構成。 上面的例子， 2019年1月匯豐60元認購證，價錢大概 $3。內在值 : $66-$65 = $1. 淨番佢就係時間直, $2.

引伸波幅 (IV)

引伸波幅決定期權平定貴。喺計算期權價格嘅公式度，大部分嘅變數都係已知嘅， 只有引伸波幅係隨著時間改變。正常嘅情況下，股票波幅大，引伸波幅比較高。急速下跌，引伸波幅會抽高，除非升得超快，否則大部分上升週期引伸波幅慢慢降低。