期權策略

期權係要講策略，唔係股票咁樣得買同埋賣。

最基本策略

Long Call ：覺得短期內會大升

Long Put ： 覺得短期內會大跌

Short Call ：覺得牛皮偏淡

Short Put ： 覺得牛皮偏好

個個都話 Long 可以賺無限， 技術上係，但實際唔會做得到！大時代long call港交所，有人話可以賺100倍，甚至1000倍。當你買一萬蚊,100倍係一百萬1000倍係一千萬，揸得住嘅唔係人，係神！10倍唔走20倍都走曬啦！

又話 Short 可以輸無限，技術上係，如果你 short call！但係唔通輸咗10倍都唔止蝕，20倍都仲要繼續揸住？

其實冇話邊個風險高，冇風險管理就最高風險！ Long 諗住最多輸曬，等下等下就好容易就真係輸曬！ Short 諗住冇雷公咁遠，short 多幾手收多啲利息， 點知市況逆轉，好容易就被call孖展！

所有其他期權策略都係由呢四個基本策略組成！

價差策略

Bull Call Spread : Long Call 怕睇錯市，日日輸期權金，Short 番張更高行使價嘅 Call  就可以減少期權金嘅損耗。

Bear Put Spread :  Long Put 怕睇錯市，日日輸期權金，Short 番張更低行使價嘅 Put  就可以減少期權金嘅損耗。

將Bull Call Spread, Bear Put Spread 嘅 Short 同 Long 調轉做， 就章要畀錢嘅價差交易（Debit Spread）變做收錢借價差（Credit Spread）交易。

Bear Call Spread : Short Call 怕睇錯市，輸大錢，Long 番張更高行使價嘅 Call 封頂 減低風險。

Bull Put Spread :  Short Put 怕睇錯市，輸大錢，Long 番張更低行使價嘅 Put   封頂 減低風險。

Time Spread : Short一張短啲行使價，Long 一張比較長期行使價，同一個行使價就叫做Calendar Spread，唔同行使價就叫做Diagonal Spread。 例如長期睇好一隻股票，想Long 一張比較長年期嘅call， 但係價錢又比較貴，Short 番一張短年期嘅幫補下。如果行使價一樣，就必定係debit，唔同行使價，就可以做到唔使比期權金，甚至收期權金，要收錢當然就要墊底費。e.g. Short Call HSBC 2019 MAR $70 Call(+0.93) + Long Call HSBC 2019 JAN $72.5 Call(-0.83) = 收到 $0.1 期權金。

進階策略

Long Stradle ：Long Call ATM＋ Long Put ATM, 估計會爆邊，但唔知係升定跌。要比可觀的期權金。

Long Strangle : Long Call ATM＋ Long Put ATM，估計係牛皮市，波幅有限。OTM 嘅程度決定期權金句多少。

Short Stradle : Short Call ATM＋ Short Put ATM，估計係牛皮市，波幅有限。 收到可觀嘅期權金，但係九成九唔可以袋曬。

Short Strangle : Short Call ATM＋ Short Put ATM，估計係牛皮市，波幅有限。OTM 嘅程度決定期權金句多少。

Iron Condor : Bear Call Spread + Bull Put Spread，非常流行Short Side策略。收兩邊錢，但只可以輸一邊，按金亦都減半。

其實仲有好多不同嘅策略，但係都係萬變不離其宗，只係將最基本嘅四式炒埋一碟。最主要嘅分別係兩大類，無限風險策略同有限風險策略，即喺個策略究竟會唔會輸無限。